SANGU HIDEUNG KANG DAGUY

maleman taun baru
0 Komentar

Sambelna aya dua rupa, sambel oncom jeung sambel tarasi  jeung lalab anu ngahunyud, aya tespong, surawung, leunca, terong, goreng jengkol jeung beuleum peuteuy, karesep uing!

Biasana, dina urusan daang, uing kaasup anu disiplin dina harti tara loba kejona, jeung tara menta emboh, ngan duka kumaha, harita mah mani siga “Kuda leupas ti Gedogan” siga anu dikariakeun, nyiuk kejo ge mani satelebna, jaba menta emboh deuih!

Anu jadi ‘biang kerokna’  nyaeta taya lain iwal ti goreng asin japuh, sambel, tarasi jeung beuleum peuteuy! Tah, ti saprak harita, uing geus poho kana kabiasaan daang ku sangu hideung, unggal poe kabiasaan daang sangu hideung geus ganti deui ku sangu bodas meunang ngakeul.

Baca Juga:Ratusan Bangunan Sekolah Rusak Berat Akibat Gempa, Sekolah Libur SepekanGempa Cianjur, Jaringan Listrik Lumpuh, Bangunan Banyak yang Ambruk

Balik deui kana dongeng mumuluk tadi, poe harita uing ka Warujajar bari dina geus gilig deuk mumuluk ku sangu hideung di Kang Daguy.

Kira-kira jam salapanan isuk, uing geus manco di hareupeun gang deuk megat angkot 06. Datang ka Warujajar, angkot sina eureun hareupeun gang masjid Al-Hikmah, tempat kang Daguy dagang. Barang srog oge, panon langsung kataji ku hiji olahan anu matak ngirut kana lapar, Tuum Peda anu dipinuhan ku peuteuy beunang mesekan. Peuteuy anu barolotot tea mangkaning.

Harita keneh langsung menta dipangnyiukkeun sangu hideung, ukur satengah piring da rek ‘diet’ tea. Deungeunna ukur dadar endog, acar bonteng, perkedel kentang, jeung peuteuy anu barolotot tea kira-kira sawelas atawa dua welas mata mah.
Enyaan geuning ari daang jeung karesep mah, karasa ni’mat kacida. Heuheuy deuh Mumuluk jeung Tuum Peuteuy! Bae nya? Wallohu’alam bisshowab. Wassalam.(*)

0 Komentar