“Tah kitu Jalu, ari enya mah rek jadi tukang nguseup, ulah sieun ku nu ngaranna Jurig, da manehna ge sieuneun ku manusa mah” ceuk si Uwa mapagahan budak. Jadi intina mah ceuk si Uwa deui, istilah sieun keur tukang nguseup mah ukur sieun teu disanggut lain sieun ku jurig.
Teu aya tempat nu sangar keur tukang nguseup mah ceuk si Uwa, kasebut loba jurigan ge cenah ari laukna loba nu nyanggut mah alus we, sabab batur nu borangan mah moal wanieun ka tempat eta. Jumaah kamari, barudak
ti Warujajar nga We A, ka budak bisi rek jadi milu nguseup ka Jangari cenah.
Ditanya arek jadi milu atawa moal teh , budak kalah nyenghel bari bibirigidigan. “Moal tiasa sigana mah, apan bade ngarencangan si Aa Iyan, hoyong nongton pilem Mortal Kombat nu enggal, hawatos ngahaja jauh-jauh ti Bogor teu direncangan mah” cenah mere alesan. Wallohu’alam bisshowab. Wassalam! (Ku : H.Dede Asy’arie)**