BARUDAK PUPUJIAN DI MASJID

maleman taun baru
0 Komentar

Ku : H.Dede Asy’arie

KAMARI mah, mani aranteng bapa-bapa di pipir Warung Mang Ali. Galuntreng sagala dicaritakeun bari maroyan isuk-isuk jeung ngopi. Bari lalawuhna kari ngarongkong tina dagangan anu ngajagrag na meja Warung kayaning bala-bala, pisang goreng, goreng ulen jeung sajabana.

Duka saha anu ngamimitian, carita  jadi kana sual pangalaman maranehna jaman keur budak. “Nu ngaran barudak jaman harita,” cenah ceuk kang Ijan muka carita.

Mun geus kaciri sareupna, jauh keneh ka waktu sholat Maghrib oge, geus ngaberes di masigit atawa tajug bari parupujian, naha sholawatan atawa maracakeun sifat 20, nyaeta sifat-sifat Gusti Alloh nu wajib dikanyahokeun tea. Komo cenah mun dina malem Jumaah mah, tara aya barudak nu ngulampreng di jalan.

Baca Juga:Gempa Sukabumi, Satu Warga Cianjur Meninggal DuniaBAF IS HERE FOR YOU

”Kabeh barudak rempeg araya di masjid ti memeh Maghrib, parupujian, sholawatan, terus ngaraji Surah Yasin nu mingpinna ajengan atawa guru ngaji. Di unggal imah kadenge ibu-ibu atawa barudak istri nu ngaraji, aya nu ngaji Yasin, aya nu maca surah Waqi’ah atawa Tabarok,atawa aya oge nu keur pupujian macakeun syair Abu Nawas nu kawentar tea, nyaeta maca Ilahilas (ilahi lastu lil Firdausi ahla jst).”

Saur muballeg, mani pajauh pisan cenah jeung jaman ayeuna. Barudak geus jarauh pisan tina kahirupan masigit. Beurang tingalabring momotoran, sore can baralik ka imah, waktuna sholat maghrib masih cerindekul hareupeun layar monitor di unggal warnet!

“Di masigit ukur aya kolot jeung aki-aki, bari sajajar ge teu jejeg kabeh.“ Di unggal imah lain kadenge nu ngaraji atawa nu sholawatan atawa pupujian, nu kadenge ukur sora wirahma dangdutan atawa lagu-lagu disko.

Nu baroga imah, mun teu keur gogolehean bari ngadengekeun lalaguan, pasti keur nyenyekel remot tipi. Mindah-mindah saluran tipi neangan acara karesep. “Ceuli jeung matana leuwih resepeun pake nempo jeung ngadengekeun artis nu karawin, artis nu parasea atawa nu gunta-ganti salaki atawa pamajikan tibatan dipake maca Alquran atawa ngadengekeun pangajian di masigitm“ cenah kasauran Muballeg mani tandes pisan.

0 Komentar